❗عــــاجـــل ❗لي تايقرى فوحدة من هاد الجامعات ولا هاد المدارس العليا و لا تخرج منهم و باغي يـقرى خارج المغرب بـ 0 dh ضروري يقرى هادشي حتا للأخير❗

❗عــــاجـــل ❗لي تايقرى فوحدة من هاد الجامعات ولا هاد المدارس العليا و لا تخرج منهم  و باغي يـقرى خارج المغرب بـ 0 dh ضروري يقرى هادشي حتا للأخير❗
ولا تاتعرف شي واحد تايقرى فيهم دير معاه زوين و صل ليه هادشي
- Université Hassan 1er, Settat,
- Université Hassan II - Casablanca
- Université Sidi Mohammed Ben Abdellah, Fès
- Université Abdelmalek Essaâdi, Tetouan
- Université Cadi Ayyad, Marrakech
- Université Sultan Moulay Slimane, Béni Mellal
- Université Euro-Méditerranéenne de Fès
- ENA :  Ecole Nationale d'Architecture
- INPT : Institut national des postes et télécommunications
- ENSAM
- IAV

تاتقرى و لا تاتقراي فوحدة من هاد الجامعات  أو المدارس العليا و لا تخرجتو منهم فراسك بلي راه من حقك تمشي تكمل قرايتك خارج المغرب بصفر 0 درهم و حتى فلوس الطيارة خالصة,,, المهم باش ندخلو فالموضوع مباشرة هاد الجامعات و المدارس العليا لي اشرت ليهم أعلاه راه دايرين شراكة عالمية فتبادل الطلبة و منخارطين فمشروع دولي لي سميتو  (  Erasmus Mundus - Al Idrisi II )

و هاد Erasmus هو عبارة عن
(Un programme de bourses d'échange et de coopération
entre l'Europe et l'Afrique du Nord )

المهم هادشي للأسف ماتايكونش الإعلان عليه بشكل رسمي و علني أمام جميع الطلبة حيت الخبار فراسكم كاين لي تايسكت على بحال هاد الفرص و يدوزهم غير للناس لي  تايعرف حيت بالداريجة المدرجة بحال هاد الفرص راهم قلال  ودجاجة بكامونها و بخبزها و مايونيزها و كيتشوبها... و داخلين فإطار تبادل ديال بعتات طلابية و كلشي خالص من طق طق حتى السلام عليكم فقط خاصك تسجل و يكون الدوسي ديالك فيه الشروط الكافية راه كلشي كاين هنا فالموقع الرئيسي

http://www.al-idrisi.eu/index.php/en/

و كاين حتا بروكرام  Batuta حتا هو تابع لــ  Erasmus Mundus

https://www.battuta.eu/institutions

والغريب فالأمر هو أن هاد البلان ديال  Erasmus راه 30 عام و دابا باش كاين و قليل لي عارفو  حيت كاين واحد النوع ديال البشر تايقول أنــا و من بعدي الطوفان  .. لكن حنا ماغاديش ندوزو بعضياتنا و غادي نبارطاجيو كاملين هادشي باش يوصل للجميع 💪 شحال من واحد ولا وحدة مسكين تايقرى و تاتقرى مزيان ولكن عندو عائق فالمادة و باغي غير يخرج يجرب الدراسة فالخارج..
باش تستافد ديما بقا درب تسركيلة فهادوك 2 مواقع لي عطيتك راه فيهم كلشي الشرح بالتفصيل و تسنى يفتحو التسجيل لي غالبا تايكون فـي شهر نونبر ولا دجنبر ..
الله يسهل على الجميع هذا جهدي عليكم و فاش تانكتب ليكم أي منشور راه حتا كانشوف واش فيه الخير ليكم ولالا ..
=====================================
بـــكل تواضع إلا كاتشوف هادشي يقدر يــفيدك و لا يفيد غيرك بارطاجيه تقدر تكون نتا و لا نتي السبب باش واحد اخر يوصل للهدف ديالو و ديرو فبالكم إلا كلنا تاحدنا و كل واحد عاون الاخر ولو غير بــإبــتسامة و لا مــعلومة راه أحيانا كافية حسن من الفلوس
أما البارطاج ديالك غادي غير تزيد تبين على الدعم ديالك لغيرك باش يستافد و يزيد للقدام
=====================================
 ❤ نحن التــغيير  ❤
بــارطاجي و ماتنساس بلي نتا و نتي و أنا هوما التغيير
و مـاتكونش ولا تكوني من صحاب شوف و ستافد و سلت ..بارتاجي.