بالنسبة للناس لي تقبلو فENSA اللائحة الرئيسية خاصكم تأكدو التسجيل ديالكم بوضع الباك الأصلي + نسخة منه + نسخة من بطاقة التعريف ( باقي الملف تقدر ما تكملو تال شهر 9 ماشي بالضرورة دابا ، دابا المهم هو الباك الأصلي ) والمدينة فين غتحط الباك سوى فين تقبلتي سوى أقرب وحدة ليك ( بشرط أنه من هنا شهر 9 تهز الباك ديالك من لي قريبة ليك و تديه للبلاصة فين تقبلتي يعني الآن غير باش يسهلو العملية وصافي ) وبالنسبة لي مجابوش choix الأول خاصكم تدخلو للموقع لي فيه النتائج في المواعيد المحددة لــ meilleur choix باش تشوفو واش فرغت بلاصة فالمدينة لي بغيتو ولا مزال ، الا كانت متاحة غادين تأكدو تسجيلكم فيها فالموقع و فشهر 9 بالتأكيد غتديو الملف ديال التسجيل النهائي بما فيه الباك ليها.
الناس لي فلائحة الانتظار دخلو تنتوما للموقع فالمواعيد المحددة للوائح الانتظار 1 2 و 3 ، باش تشوفو واش تقبلتو ولا لا ، في حال متقبلتوش راه الترتيب ديالك فاللائحة غيتقلص بالتأكدي نظرا لأن لي قبل منكم غيكون تقبل منهم واحد العدد.
بارتاجيو باش يستفد غيركم...
هادو هوما الأسئلة لي كنشوف بزاف فلي كومونتير كنتمنى نكون جاوبتكم عليهم وكنعتذر حيت منقدرش نجاوب على كل كومنت بوحدو وحتى الرسائل الخاصة لي كيوصلوني كثيرة بزاف دونك كنعتذر حيت مكانجوبكمش كاملين. بالتوفيق.
0 التعليقات: